A lingua de signos é unha lingua natural de expresión e configuración xesto-espacial e percepción visual (e ata táctil por certas persoas con xordo-cegueira), grazas á que as persoas xordas poden establecer unha canle de información básica para a relación co seu ámbito social, xa sexa conformado por xordos ou oíntes. Mentres que coa lingua oral a comunicación se establece unha canle vocal-auditivo, a lingua de signos faino por unha canle xesto-viso-espacial. Nos últimos anos, o interese pola aprendizaxe da Lingua de Signos incrementouse considerablemente; a grande demanda de persoas interesadas en coñecer e aprender esta lingua consolidou as clases de Lingua de Signos española.

A actividade, cunha duración total de 65 horas lectivas, desenvolverase entre os días 29 de febreiro e 30 de abril. Os luns, mércores e venres entre as 18 e as 21 horas. O custo da actividade é de 110 € en caso de matrícula ordinaria, 100 € para alumnos con minusvalidez e 105 € para alumnos da UNED.

A matriculación haberá de realizarse a través de internet no seguinte enlace  http://qinnova.uned.es/publico_actividad/3332

Para máis información contacte no correo electrónico info@lugo.uned.es.

Hai uns días solicitamos a vosa colaboración na Campaña Solidaria de Nadal que acaba de rematar. Hoxe queremos agradecer de corazón o voso apoio e achegas á mesma.

Esta foi a primeira experiencia deste tipo que levamos a cabo no Centro Asociado da UNED de Lugo, e estamos moi satisfeitos co resultado. Estamos encantados de ser por uns días unha canle para facer chegar a vosa xenerosidade a quen máis a necesita. Entregamos a Cáritas 350 quilos de alimentos.

Moitas cousas pequenas, en moitos lugares pequenos, feitas por moita xente pequena, poden transformar o mundo.

Moitas grazas e Felices Festas.

Saúdos cordiais,

Centro Asociado UNED Lugo

Coaching no modelo de “Proceso da Comunicación”

O PROCESO DE COMUNICACION® é unha ferramenta para a comunicación e a comprensión da personalidade. Fundaméntase en dúas bases esenciais: O xeito en que nós dicimos as cousas, o “Proceso”, é máis importante para a efectividade da mensaxe que o que dicimos, o “Contido”.

De feito, a maior parte do tempo “a mala comunicación” non acontece polo que se di senón pola forma en que se di, xerando consecuencias prexudiciais tanto para o individuo coma para a organización.

O PROCESO DA COMUNICACION é unha ferramenta práctica, directamente operativa que ensina a:

• Identificar os 6 Tipos de Personalidade

• Saber as Necesidades Psicolóxicas e os factores da motivación

• Invitar a conduta produtiva do outro

• Prever e previr a conduta de fracaso

• Entender e manexar a dinámica da propia personalidade dun e dos alumnos

• Manexar a dinámica do grupo

Aínda que cada individuo é único, todos nós temos características en común. Identificamos 6 tipos de enerxía que determina a nosa conduta. Estes tipos de enerxía, chamados Tipos de Personalidade, determinan as nosas necesidades psicolóxicas, os nosos puntos fortes e débiles, a nosa conduta produtiva. Tamén determinan, cando as nosas necesidades psicolóxicas non se satisfan, as nosas reaccións específicas baixo estrés, os nosos mecanismos e condutas de fracaso. Estas condutas son identificables e predicibles.

O “COACHING A TRAVÉS DO PROCESO DE COMUNICACIÓN®” que se ensina neste seminario fundaméntase principalmente no estudo por cada participante do seu “Inventario do Perfil Persoal” que reciben confidencialmente ao principio do seminario.

O Inventario dá unha imaxe sen xuízos, precisa e obxectiva da personalidade propia e das necesidades psicolóxicas, facilitando a adquisición de coñecemento sinxelo e valioso da propia dinámica de funcionamento así como da dos estudantes.

Para máis información e prezos visite o curso na páxina de Extensión Universitaria.

O proceso abriuse o xoves 15 de decembro para as materias do primeiro cuadrimestre e  anuais, e pecharase antes de comezar as probas presenciais de febreiro.

O formulario atópase no “Campus del Estudiante” unha vez que se realiza o proceso de valicación no “Campus Uned”. Axuntamos gráfico onde se indica a situación do enlace.

Todos somos conscientes da difícil situación económica que cada vez teñen que afrontar máis familias no noso país. Os medios de comunicación cóntannos cada poucos días como as cifras de pobreza crecen de maneira alarmante e cada vez máis fogares teñen necesidade de axuda para subsistir. A proporción de españois que viven por baixo do limiar de pobreza é case do 22 %, segundo o INE.

Este Nadal, o Centro Asociado da UNED de Lugo decidiu levar a cabo unha campaña de acción solidaria para recoller alimentos non perecedoiros e entregalos aos cidadáns máis necesitados de Lugo a través de Cáritas, institución de axuda social.
Para iso gustaríanos pedirvos dende aquí a vosa participación, para que cada un de vós achegue o que considere oportuno. O máis sinxelo é colaborar doando un quilo ou un litro dalgún tipo de alimento non perecedoiro, por exemplo: arroz, pasta, legumes, azucre, fariña, galletas, leite, aceite, etc.

Durante a semana do 19 ao 23 de decembro, colocarase unha mesa no hall onde se recollerán as achegas que voluntariamente traiades cando veñades á sede da UNED. Tamén necesitaremos voluntarios para que ao final de cada día podamos facer o reconto dos alimentos recibidos. Se desexades colaborar como voluntarios, basta con responder a este correo ou comunicalo na secretaría do Centro. Obviamente, cada un doa o que quere e pode. O importante é que, ao final, coa pequena achega de todos, conséguese facer unha doazón que poderá ser máis ou menos importante, pero que sempre será benvida pola xente que a necesita.

Dámosvos as grazas por anticipado e pedímosvos que estendades isto a todas aquelas persoas da vosa contorna que puidesen estar interesadas en participar.

Saúdos cordiais,

Centro Asociado UNED Lugo

O  prezo desta actividade é:
- Matrícula Ordinaria ->  45 €
- Alumnos con discapacidade -> 35 €
- Alumnos UNED ->  40 €

O curso será impartido polo profesor-titor  D. Fernando Barreiro Ferro.
A matrícula farase exclusivamente a través do  seguinte enlace: http://www.extensionuned.es/publico_actividad/3049.  Axuntamos máis información no documento “CURSO INSTALACIONES ELÉCTRICAS DE BAJA TENSIÓN“.